Hnos. Frías del Val

1969an sortutako upeltegi familiarra, belaunaldiz belaunaldi mahastiak landu eta gero. 1999an, HERMANOS FRÍAS DEL VAL izena hartu zuen, eta mahastien zaintza tradizionala eta ardoen elaborazio pertsonala uztartuko dituen etapa berria hasi zen. Lur hau eta bertako ardoak zaintzea eta maitatzea dugu oinarri, gure lanaren urrats guztietan.

Upeltegian, berrikuntzak eta tradizioak bat egiten dute. Batez besteko 140.000 botila botilaratzen ditugu urtean. Hormigoizko lurpeko biltegiak ditugu, 85.000 litroko edukierarekin, gure ardoak ondu daitezen, mahastietan lortutako ezaugarri on guztiak mantenduz eta haztatuz, eta edukiera ezberdinetako upeletan zahartuz.

Landan, 26 hektareak, 70 mahasti txikitan banatuta, upeltegia ornitzen dute. Mahatsondo batzuek mende bat baino gehiagoko bizitza dute, bataz bestean 50 urte dituzte, eta Arabako Errioxaren bihotzean daude.

Gure lursailek ez dute ureztatze artifizialik. Euriak bakarrik ematen die ura gure mahastiei, horrela ekiditen dugu gehiegizko ureztatzeak ale handiagoak, baina ez hain kontzentratuak ematea, eta tratatutako urekiko kontaktuak nahi ez diren ekarpenak ekar ditzakete. Gainera, soilik konpost organikoa erabiltzen dugu.

Mahastietan eskuz egiten dugu lan, eta upategian sartzen dugun mahatsa guk landutako lurretatik dator beti, horregatik ezagutzen dugu gure fruituaren osasuna eta kalitatea.

Zorrotz kontrolatzen dugu mahastiaren errendimendua gure ardoetan aroma-potentzial, egitura eta kontzentrazio maximoa lortzeko. Horrela, bolumen handiko ardoak egitea lortzen dugu, baina edateko errazak, gozatzeko ardoak.