OliOlive

Gizarte eta ingurumen-inpaktua duen ekintzailetza-berde proiektua, aldaketaren eragile gisa jardun nahi duena, Euskal Herriko hegoaldeko olibadi tradizionalaren paisaia eraberritzeko. Nekazaritza birsortzailearen eredu honek, aritzeko modu jasangarriak eta erresilienteak erabiltzen eta sustatzen ditu, paisaia holistikoki berreskuratzen laguntzen du, nekazaritza-ekosistemen degradazioa geldiarazten du, horiek lehengoratzen ditu, eta baita birsortu ere.

Gizakiaren birsortzeko rola bultzatzeko helburuarekin sortutako ekimena da, naturarekiko lotura oinarri hartuta garatua.

Ikaskuntza-paisaia gisa diseinatutako lursail demostratibo batean, ohiko erabilera degradatutik erabilera birsortzaile eta erresilienterako trantsizioa erakusten da, antzinako praktikak eta berrikuntza naturan oinarritutako soluzioekin nahasten dituena.

Izaera berritzaile nabarmena duen proiektua da, paisaiaren zaharberritzea tresna didaktiko gisa erabiltzen duena. Gainera, dibulgazio-tresna izanen da, eragina handitzeko aukera emanen duena, modu jasangarrian garatzen den denboran zein espazioan. Horrela, herritarrak eta nekazariak sentsibilizatuko dira, begirada eraldatuz eta gauzak egiteko beste modu bat erakutsiz, ingurumenean eragin minimoa izanda, ahal dela, degradazio neutrala edo baita zaharberritze edo birsortzea eraginda ere.

Aisialdia landa eta natura inguruneari lotutako esperientzia zirraragarrietan inbertitzeko aukera ematen dizugu. Esperientzia horiek ingurunearen kultura eta paisaia balioa erakusten dute. Horrela, ohiturak ezagutu, natura behatu eta interpretatu eta hain lurralde-eremu desberdineko gastronomia askotarikoa eta aparta dastatu ahal izango duzu.